لما يكونوا الأهل معصبييييين
الأب :يا ولد
الابن و بكل براءة :نعم
الأب:نعامة ترفسك تعا لهون
الابن:ليش شو سويت؟
الأب: سواك ضريب يخلع رقبتك
الابن:شو فيه؟
الام :شواية تشوي عضمك رد على ابوك زي العالم المحترمه
الابن :هوه انا حكيت شي؟
الأب:حكحكوا جنابك بالعصايه وقف عدل يا حيوان
الابن :حاضر
الأم: يحضروا على كبرك لما ابوك يحكي انت بتخرس
الابن:أخرس؟
الأب:ايوه ان شالله خرسه تخرسك
الابن:ماشي
الأم:اجاك مشش بركبك ما تقوم منه
الابن :شو هاد مشش.....؟؟
الأب:اما انك قليل حيا و بترد بتم امك هات العصاي و تعال
الابن:انا رديت على امي؟ماما احكي كلمه
الأم:ماما أللي تأشك نشاء الله ....قال ماما قال! ...حكيتلك اخراس
الابن هون غلب على امره و سكت
الأب:أما جيل قليل حيا...احكي ولى شبك انخرست؟
الإبن:شو احكي؟ اذا حكيت بتشوفوا كلامي غلط
الأب:ليش عمي شايفنا و لا حول؟
الابن:لا اله الا الله
الأم :الله ياخدك يا ريتني خلفت ابن جيراننا و لا خلفتك
الأب:انا مالي عارفان هاد الولد إمتى بده يصير رجال. في القعده دايما فاضحني وين ما روح
الابن:طيب شو اعمل هلأ مشان تشوفني رجال؟
الأب:ان شالله ما تطيب ...اخراااااااس
الابن:يا ربيييييييييي خلاص بقى!! ممكن روح على غرفتي؟ ليش ناديتوني؟
الأم:اه صحيح انت ليش ناديت عالولد؟
الأب:بتصدقي يا مرة....نسيت ما بعرف خلاص روح انقبر..إنشاء الله روحة بلا رجعة
الجمعة أغسطس 01, 2008 1:37 pm